Tiu estas malnova revizio de la dokumento. Klaku sur titolon por ricevi kurantan version.
----



Antaŭen tra ĉielaer'

AŭtoroViklor T. Scheffel
E-tekstoWilhelm Höscher
Origina tekstoWohlauf, die Luft geht frisch und rein

Antaŭen tra ĉielaer',
Sidante ni rustiĝas.
En sia granda, pura sfer'
La suno ekleviĝas.
Ornamas la malpeza vest'
Nun la piedmigranton:
Ni marŝu dum somera fest'
En belan Frankolandon.

Ĉasistoj glitas tra l' arbar',
Ekbrilas ora greno;
La ŝarĝon portas la ŝipar'
Sur Majno nur kun peno.
Alvenos baldaŭ la aŭtun'
Por nia vinmontano:
Donacas vinon veran nun
Patrono Kiliano.

Pilgrimoj paŝas tra la land',
Ondiĝas la standardo;
Duvoĉe sonas sankta kant'
De tiu pia gardo.
Volonte ja kunirus mi,
Sed pastro min rifuzas;
Kaj do mi faras tion ĉi;
Mi sola min amuzas.

Al ermitejo sur la mont'
Mi gaje supreniras;
De alta praŝtonega pont'
La landojn mi admiras.
Brilegas jen la Majnriver'
Malsupren trafluanta:
Ho, estus en matenaer'
Mi gaje ekfluganta!

L’ ermit' ne estas en ĉambret',
Sed sur herbejo varma;
Mi vidas lin ĉe la montet'
Kun falĉistino ĉarma.
Migruloj preĝas kun rapid':
Donacu Di' „guteton“!
Nenion aŭdas la ermit'
Amante societon.

Ermit’! Ne estas bona far’
Foriri el la ĉelo;
Sendube kuŝas barelar'
Bonvina en la kelo.
Hojho ! Trinkaĵon trovos mi:
Mi rompos la pordegon!
Pardonu, sankta viro vi,
Soifon kaj pekegon!

Enmetu vian komenton. Viki-sintakso estas permesata:
Se vi ne povas legi la literojn en la bildo, elŝutu tiun dosieron .wav por aŭskulti ilin.
 
  • antauxen_tra_cxielaer.1295476121.txt.gz
  • Lastaj ŝanĝoj: 04.11.2015 12:36
  • (ekstera redakto)