Uzantaj iloj
Flanka strio
Tiu estas malnova revizio de la dokumento. Klaku sur titolon por ricevi kurantan version.
----
Enhavtabelo
Petőfi Sándor: Arb' mi estos
| Originala titolo | Fa leszek, ha… |
|---|---|
| Teksto | Sándor PETŐFI |
| Muziko | Hungara popola kanto |
| E-teksto | Kálmán KALOCSAY |
| E-teksto 2 | Antono SAMAK |
| MIDI | petofi_sandor_-_fa_leszek_ha.mid |
Hungara teksto
Versaĵo de Petőfi Sándor
Fa leszek, ha fának vagy virága.
Ha harmat vagy: én virág leszek.
Harmat leszek, ha te napsugár vagy…
Csak hogy lényink egyesüljenek.
Ha, leányka, te vagy a mennyország:
Akkor én csillaggá változom.
Ha, leányka, te vagy a pokol: hogy
Egyesüljünk, én elkárhozom.
Teksto 1
Arb’ mi estos
Arb’ mi estos, se vi arbofloro,
flor’ mi estos, se vi rosogut’,
ros’ mi estos, se vi sunradio,
por ke unuiĝu nia tut’.
Kara, se vi estas la ĉielo,
tiam via stel’ ŝanĝiĝos mi,
se, knabin’, vi estas la infero,
por unuiĝi nin, damniĝos mi.
Teksto 2
Arb’ mi estos, se…
Arb’ mi estos, se vi – arbofloro,
Se vi estas roso, mi – la flor’,
Ros’ mi estos, se vi – sunradio,
Por kunigi memojn per favor’.
Knabinet’, se vi mem – la ĉielo,
Stel’ mi iĝos en ĉiela glor’,
Knabinet’, se vi mem – la infero,
Mi damniĝos por via favor’.
