Kun preĝo al seĝo de Dio ni venas,
Severe, sincere Li juĝas je l’fin’.
La bonajn Li benas, malbonajn malbenas,
Laŭdota — Lia nom’, Li memoras nin.

Je nia, plej pia flank' Dio staradis,
Li volis, ke venku la rajto ĉe ni.
Jen ĵus komencita batalo — gajnita;
Vi, Dio, nin helpis, ni venkis per Vi.

Ni gloras, adoras Vin, Dio — gvidanto,
Ni preĝas, ho reĝo, nin helpu ĝis fin',
Ke via anaro ne iĝu sklavaro.
Laŭdota — Via nom’! Ho, Di’, savu nin!
Di', savu nin!