KantarViki

Tiu ĉi paĝo disponiĝas nur por legado (vi ne povas redakti ĝin). Sciigu administranton, se vi opinias ke tio estas falsa malpermeso.

====== Tiu ul' (kamarado Gramŝi) ======
//Auxtoras [[Gianfranco MOLLE]]//

===== Teksto =====
La tagon de lia alven'
Rekte el land' sardia
En sercxo de studa posten'
Aspektis li aplombe pri cxio scia
Li havis certe neproporcian kapon
Ensxultrigxinta fugxe de frostofrapo

Mi tion sciis, tiu ul'
Mi jam konsciis, tiu ul'
Certe ne dauxros longe sur nia tero

Sidis li longe dum tutaj tagoj
Fermita en kamero
Eble li studis sed liaj agoj
Cxe mi ne trovis lokon por konsidero
Studenta gajo mankis en la rigardo
Sed li, ne forgesu, esti gxibul'
Kaj sardo

Mi tion sciis, tiu ul'
Mi jam konsciis, tiu ul'
Certe ne havos grandan karieron

Liajn okupojn preter studado
Neniam mi atentis
Sed de la komenco mi divensentis
Ke tiu ul' inklinas al agitado
Mi tuj komprenis ke li socialistas
Pri flaro de cxi-homoj mi fake istas

Unuavide tiu ul'
Mi tuj komprenis, tiu ul'
Baldaux ricevos la merititan pagon

Post kelkaj jaroj mi pro hazardo
Eksciis kun mirsento
Ke tiu ul', de tiu sardo
Iel li elektigxis cxe parlamento
Certas ke parlamento momente nulas
Tamen ne tiajn homojn en rom' postulas

Unuavide tiu ul'
Mi tuj komprenis, tiu ul'
Iel klopodos por lerta elturnigxo

Sed mi eksciis ke je finfino
Oni ekaktivigxos
Por dudek jaroj li malliberigxos
Sxparos ni tiel penon de elimino
Cxar li malsanas kaj mi asertas vero
Ke li vivante ne lasos la karceron

Mi tion sciis, tiu ul'
Mi jam konsciis, tiu ul'
Jen estas fino por revoluciul'

{{tag>litero_t kanto}}

KantarViki

Uzantaj iloj

Retejaj iloj

Paĝaj iloj