Floras deŭzioj¹, bonodoras tie ĉi;
kantas kukolo, trilas prove la ari',
bela solo — venas jen kun ĝi somer' nun al ni.

Pluvo nebulas en rizplanta marĉoter'
farmjunulinoj plantas en malsek-aer',
junulinoj plenaj de esper', — alven' de somer'.

Ĉe la fenestro, en oranĝoflor-odor'
sonĝe banata, flugas jen lampiroj for;
ho, kvieta ĉi-vespera hor' — somer' de labor'.

Floroj meliaj² super domo ĉe l' kanal'
velkas kaj falas; super la krianta ral'
mute palas luno en vual’, — somer en real'.

Venis somero: flugas jen lampiroj ĉi,
raloj jen kantas, dolĉe floras jen deŭzi',
kaj transplantas riz-plantidojn ni. Somer-idili'!

¹ deŭzio - Deutzia Scabra Crenata
² melio — Melia Azedarach japonica