====== Adiaŭa ======

===== Teksto =====
La arboj silentas konfide
En nigro-vestita arbar'.
Cxe l' fajro varmiga jen stare, jen side
Kunvenis en rond' amikar'.
Sesio, praktiko, laboro,
Kaj pensoj pri cxiutagec'
Forflugis momente el cxies memoro,
Kaj restis nur nia junec'. 

//Refreno://
>Somero – jam antaux forir'.
>Tendaro proksimas al fin'.
>Forpasis tagoj en fabelo.
>Kutima vivo kaptas nin. 

Rapidas senzorge la jaroj,
Alvenos post gxojo angor'.
Sed tiuj cxi bildoj, pasintaj kaj karaj
Abundas en mia memor'.
Sur polva senhoma panelo
Mi tenas vin mano en man'.
Nur horo – por lasta vagado sencela,
Rideto, senvorta rigard'. 

Post horo senbride fluganta
Vin prenos cxefurba ekspres'.
L' memoro prizorgos momentojn apartajn,
Aliajn atendas forges'.
La vocxojn silent' pereigas,
Forlasas la montojn somer'.
Sed vivas la sent' kiu iam kunigis
Amikojn dum fajra vesper'. 

{{tag>litero_a kanto}}