====== Al Antverpeno ======

^Teksto|Karel LEDEGANCK|
^Muziko|Em. WANBACH|
^E-teksto|[[Hector VERMUYTEN]]|


===== Teksto =====


Regxin’ de l’Skeldrivero
Ho, restis en imag’
Belega tiu tag’!
Vi iris el murar’ al ombro de l’somero,
Ornamis vin la festa vest’,
Kaj rid’ sur lip’, gracia gest’.
Svarmanta la amas’ de via infanaro
Aspektis dense kiel papilia aro
Diverskolora kaj gxuanta pri l’aer’.
Mi diris: regas vin ankoraux gxoj’, sincer’!

Vespere en kvieto
Apud la Skeldobord’,
Mi vidis en la Nord’
Spektaklon, kiun ne forgesas la poeto.
Rebrilis la argxenta lun’
Majeste en cxiellagun’,
Sur la ebensuprajx’ de l’monda riverego,
Sur kiu lulis sin de mastoj arbarego,
Portintaj tien cxi ricxecon de la mond’.
Mi diris: lukson cxiam naskas via ond’!

Kaj patrolingvan sonon 
Cxirkaue auxdis mi 
En plena harmoni’
Al inda la aspekt’ gxi pruntis taktotonon
Gxi vive fluis kun facil’,
Amat’, el busx’ de via fil’.
Poetanim’ cxe cxiuj sxajne rasdevenas,
Cxu plum’, penik’, skulptil’ al ili apartenas.
Figurlingvajx’ kanttusxis min. „En tiu part’”
Mi diris, „levas sin la sun’ de l’Flandra art’!”

{{tag>kanto litero_a flandra}}