====== Al La Amikoj ======
//Muziko kaj vortoj de [[Mikaelo Bronsxtejn]], 1997.//





===== Teksto =====
Karaj! Karaj,
kio por ni la jaroj?!
Antaux ni estas novaj kantoj, -
vantaj, tristaj, kaj alvokantaj
kantoj.
Simpla, simpla
estis la tag' pasinta:
Sinka suno al mar' subiris;
miris ni kaj felicxajn vortojn
spiris.

//Refreno://
>Ni pluku la kordojn,
>ni frapu la klavojn,
>ni voku l'pasintajn
>plezurojn kaj ravojn!
>La helaj momentoj
>de nia destin'
>denove varmigos nin.
>Kaj kredu ni, ke
>redonacos la Dio
>por nia estonto
>parteton da tio
>ne tro da sopiro,
>iom da fortun'
>kaj fajron de nia jun'.

Gruoj, gruoj
super nebuloj fruaj
flugas suden, auxtune flugas.
Flutas krio, kaj ni
nur larmojn glutas.
Jen do, jen do, -
pretas ni por atendo, -
morgaux venos somer' senzorga,
pordoj niajn valizojn prenos
morgaux.

>//Refreno//

For de, for de
nia renkonto forte
moroj ligos nin, rememoroj...
Koroj strebos
al la amikoj foraj.
Se vi, se vi
venos por rericevi
gxuon de nia kanto kuna,
nuna
vi jam denove estos
juna.

>//Refreno//
{{tag>litero_a kanto}}