====== Al la gesamideanoj ======

^Muziko|[[E. Windeballe]]|
^Esperanta teksto|[[Werner Hagen]]|
^Tipo|nova teksto|

===== Teksto =====

Obstine antauxen!
Esperon en la kor'!
Ni pasxu al celo
kaj al la venka hor'!
Sur tero jam
auxdigxas nia vok'.
Al cxiuj batoj spitu
kaj al la mok'!

Subtenu fratecon!
Prudenton en la rond'!
Grupigxu la anoj
cxirkauxe en tutmond'!
Milito jam
minacas fakte nin,
sed unueco povus
malhelpi gxin.

Ni venku la dubon!
Inerton igu for!
Kolektu helpantojn
kun volo en la kor'!
Alttenu ni
verdflagon en la mond',
irante al batalo
en largxa front'!

Batalu kuragxe!
La venkon vidos ni!
Konvinku la homojn
per nia harmoni'!
Ne kredu ni
al blinda sortludad'!
La historio estas
nur homfarad'!


{{tag>kanto litero_a esperanto}}