====== Amu rin ======
^Muziko\\ Esperanta teksto|[[Gijom' Armide]]|

===== Teksto =====
Por
Unu kor'
Unu am'
Pluraj poroj

Per
Unu buŝ'
Unu haŭt'
Pluraj tuŝoj

Tutkore
Ne signifas ekskluzive
Vive
Ami ne nepras unuoble
Noble
Kunardu ĉiuj braĝoj

Por
Unu kor'
Unu korp'
Tiom da kaĝoj!


//Refreno://
>Amu rin
>Vi tiel des pli kapablos ami min
>Mi dank' al ri des pli lernos ami vin
>Mi petas do kara, se vi amas min,
>Amu min kaj rin, amu nin

>Amu rin
>Amo elkoriĝas ĉiam kaj sen fin'
>Malutilas ĝin gardi en sia sin'
>Mi ne estu kial' por via abstin'
>Amu rin kaj min, amu nin

>Amu, amu

Sub
Unu arĉ'
Unu man'
Pluraj kordoj

Al
Unu dom'
Unu hom'
Pluraj pordoj

Fidinde
Ne signifas fidele
Bele
Ami ne nepras ununure
Mure, sekure, serure

>//Refreno//

>//Refreno//

En
Unu mont'
Unu rok'
Pluraj fontoj

===== Eksteraj ligoj =====
* https://soundcloud.com/guillaume-armide/07-amu-rin
* https://commons.wikimedia.org/w/index.php?title=File%3A07_Amu_rin.wav
* https://eo.wikisource.org/wiki/Amu_rin

{{tag>kanto litero_a}}