====== Antaŭen tra ĉielaer' ======

^Auxtoro|Viktor T. Scheffel|
^E-teksto|Wilhelm Höscher|
^Origina titolo|Wohlauf, die Luft geht frisch und rein|



===== Teksto =====




Antauxen tra cxielaer',
Sidante ni rustigxas.
En sia granda, pura sfer'
La suno eklevigxas.
Ornamas la malpeza vest'
Nun la piedmigranton:
Ni marsxu dum somera fest'
En belan Frankolandon.

Cxasistoj glitas tra l' arbar',
Ekbrilas ora greno;
La sxargxon portas la sxipar'
Sur Majno nur kun peno.
Alvenos baldaux la auxtun'
Por nia vinmontano:
Donacas vinon veran nun
Patrono Kiliano.

Pilgrimoj pasxas tra la land',
Ondigxas la standardo;
Duvocxe sonas sankta kant'
De tiu pia gardo.
Volonte ja kunirus mi,
Sed pastro min rifuzas;
Kaj do mi faras tion cxi;
Mi sola min amuzas.

Al ermitejo sur la mont'
Mi gaje supreniras;
De alta prasxtonega pont'
La landojn mi admiras.
Brilegas jen la Majnriver'
Malsupren trafluanta:
Ho, estus en matenaer'
Mi gaje ekfluganta!

L’ ermit' ne estas en cxambret',
Sed sur herbejo varma;
Mi vidas lin cxe la montet'
Kun falcxistino cxarma.
Migruloj pregxas kun rapid':
Donacu Di' „guteton"!
Nenion auxdas la ermit'
Amante societon.

Ermit’! Ne estas bona far’
Foriri el la cxelo;
Sendube kusxas barelar'
Bonvina en la kelo.
Hojho ! Trinkajxon trovos mi:
Mi rompos la pordegon!
Pardonu, sankta viro vi,
Soifon kaj pekegon!

{{tag>kanto litero_a germana}}