====== Boato ======
//Vortoj kaj muziko de [[Andrej OBREZKOV]]//

===== Teksto =====
Penas boat' kontrauxstari torenton,
El cxiuj fortoj manovras per veloj.
Sed malsukcese; ne helpas ecx vento.
Vane boato petegas torenton...
Brulas en fora fenestro kandelo.

//Refreno://
>Luktu, boato, atendas vin bordo.
>Luktu, boato, ne dronu senforta.
>Luktu, boato, memoru pri hejmo
>Atendas vin hejmo.

Estas facile humili al sorto;
Cxesi la lukton kaj jxeti la velojn,
Nagxi nur kien torento vin portas,
Jes, ja facilas humili al sorto,
Sed brulas en fora fenestro kandelo.

>//Refreno//

Estas malgranda boato obstina,
Kaj la rivero furiozas kruele;
Sed, ho miraklo, cxu estas la Dio,
Cxu kor' torenta finfine degelis -
Nagxas boato al fora kandelo.

//Refreno://
>Venis boato al la hejma bordo.
>Venis boato, ne dronis senforta.
>Venis boato, cxar kredis, ke hejmo
>Atendis gxin, hejmo...
{{tag>litero_b kanto}}