====== Cent jarojn malplie ======

^Teksto \\ Muziko|Pierangelo BERTOLI|
^E-teksto|[[Giuseppe CASTELLI]]|

Origina titolo: **Cent'anni di meno**

===== Teksto =====

Kusxe sur herbo kaj floroj de kampo,
perdígxe, pluge por ontaj bonsxancoj,
kun sentoj plenaj je volo de vivo
kaj en la posxoj esper-pozitivo,
ni al la mamoj fidadis pasie
kiam ni agxis cent jarojn malplie.
Kiam virinon estigis nebulo
kaj el la lipoj sxi roson gutigis,
kaj sxiaj haroj je fojno odoris,
je la tagigxo la himnoj sonoris
kaj el la busxo disigxis al cxie
kiam ni agxis cent jarojn malplie.
Pafila milo nuligxis pro kiso:
ni tiam kredis je paco tutrnonda;
suficxis dolcxa rideta rigardo
kaj komencigxis brakumo dancronda.
Ecx pluvegado limigxis grade
kiam ni agxis cent jarojn malplie.
Trans horizonto plej klara kaj hela
naskigxis nur matenigxoj de paco;
malsato, frosto, nigrega pan-peno,
acxa regado de iu kreteno
en cxielbluon fumigxis magie
kiam ni agxis cent jarojn malplie.

Blindiga lumo venis niajn okulojn
rozkolorigxis por ni la irejo;
la profitantojn de kontrauxmoralo
kaj la murdintojn de povra cxevalo
for de la trajno ni pelis malpie
kiam ni agxis cent jarojn malplie.

Apud la bordojn de lago el pano
la tutan kreitajxaron ni portis;
poste ni kantis kantajxojn pri amo
kaj senvestigxis, kaj belis, kaj fortis;
kaj ni amsatis plenkore, ebrie
kiam ni agxis cent jarojn malplie.
Malsuper steloj, aux en la drinkejo,
postigadante la iron al lito,
ni flugis Marson aux Lunon kaj gxojis
pro nura interauxskulta profito;
je la morgauxo ni kredis sendie
kiam ni agxis cent jarojn malplie.

{{tag>kanto litero_c itala}}