====== Cseh-kursa finkanto ======

^Muziko|melodio de: Jylland mellem tvende Have|
^Esperanta teksto|[[S. K. Nielsen]]|
^Tipo|nova teksto|

===== Teksto =====


Venis nun printempo varma,
kaj la vintro iris for.
La printempo estas cxarma,
plialtigxas la humor'.
Kantas birdoj en aer',
Floroj floras  —
floroj floras
sur la ter'.

Dum la vintro kun fervoro
energie studis vi;
verda estas nun la koro
via, tion kredas mi.
Tre, tre multe lernis vi,
sed vi povas —
sed vi povas
lerni pli.

Pri la hundo kaj la kato
— jen unue lernis vi,
filo kaj filin' kaj frato,
patro kaj la famili',
kamarado kaj amik',
laboristo,
laboristo
en fabrik'.

Ankaux pri la vorto „amas”
lernis vi kun grandhumor',
viaj verdaj koroj flamas
nun lumanta kiel flor'.
Belajn florojn sxatas sxi,
sed frauxlinon —
sed frauxlinon
amas li,

„La hispana etiketo”
estas interesa, cxar
se la bildo aux portreto
placxas tre al la gastar',
tuj gxi prenas de la mur'
belajn bildojn —
belajn bildojn
kun plezur'.

Jes, vi dum la vintro studis
Esperanton kun plezur',
vi parolis, kantis, ludis,
sed en Esperanto nur,
Kaj nun estas anoj vi
de la verda —
de la verda
famili',

Ni tre kore vin gratulas
pro la bona rezultat';
nun en viaj koroj brulas
Esperanto, la sxatat'.
Kaj „Bonvenon” diras ni
al la verda —
al la verda
kompani'.


{{tag>kanto litero_cx esperanto}}