====== Ĉuk ======
//Kantas [[Kajto]], teksto kaj muziko de [[Nanne KALMA]].//


===== Teksto =====

Eskapante al vojpiratoj, mi kuregas tra la stratoj. Gxustatempe, kia histeri', en la stacidomo alvenas mi.
Cxe la gicxeto, plendanta hxoro; bilet-acxeti dauxras horojn.
Nun restas al mi nur unu minut'; sprinti al vagono, gxin ensalti kaj tuj poste: cxuk, cxuk, cxuk ...

//Refreno://
>Komencigxas la juk', pro la belsona "cxuk!" Denove scias mi: "Bona estas la viv'",
>Kiam finfine funkcias la lokomotiv'. Liberigas min de jug', la superplezura "cxuk!"

Estas bona por distrigxi, ecx bonega por trankviligxi -
De la masxino la vibrosonad'; por mi gxi estas la perfekta gxuad'. Filozofi, pensi, mediti, la vivon relativi -
Al mi denove sin trudas konklud': la plej bona terapio estas sen-interompa cxuk, cxuk, cxuk ...

>//Refreno//

Mi sxatas la veturadon, ecx sxategas la vojagxadon, sed stari senmove en stacidomet'
estas dauxre kauxzo por mal-aprec'. Rigardi malplenan kajon, minimumigas mian gajon.
Se nur veturus la trajno sub mia konduk' - neniam halti, stari, atendi sed cxiam: cxuk, cxuk, cxuk ...

>//Refreno//

Subite skuas la masxino. Cxu cxi tio estas la fino? Mi ne povas kompreni ke gxi estas kaduka;
Mi ne volas vivi plu sen la sono cxuka, cxuka, cxuka, cxuka, cxuk ...
Nun mi auxdas la masxinon knari. Ili sukcesis gxin ripari.
Mi sekigas la okulojn per la nazo-tuk': emocio plenigas min - denove sonas: cxuk, cxuk, cxuk ...

>//Refreno, 2-foje//

{{tag>litero_cx kanto}}