====== Dometo en ĝardeno ======

^Muziko|[[Rolf W. ALTHOFF]]|
^Esperanta teksto|[[wpeo>Karl VANSELOW]]|
^Tipo|adapto|

===== Teksto =====


Ne diamantojn mi sopiras,
Ne pompaj vestoj logas min,
Ne multan monon mi deziras,
Tro baldaux mi fordonus gxin.
Se en cxi tiu bela mondo
Vi min demandos, kion mi
Plej alte sxatas, la respondo,
Kiun mi donos, estos tiu cxi:

>Dometon en flora gxardeno
Posedi sopiras mi,
Por logxi en paca sereno,
Mia angxelo, kun vi,
Cxar viaj okuloj ridas
Pli ol diamantoj kaj or',
Pli multe ol mono validas
La ama felicxo de l’ kor'.

Ne estas ni ricxul' kaj ricxulino,
Sed certe gxusta estas tiu dir':
Ni vivus kiel regxo kaj regxino,
Se plenumigxus tiu cxi sopir'.
En florgxardeno kaj kun verda stelo
Dometo fora de la monda bru',
Gxi estu paradizo kaj cxielo
De l' amo kaj felicxo por ni du.


{{tag>kanto litero_d germana}}