====== Dum televida nefunkci’ ======

^Teksto|[[pierre perret]] / [[jo petro danvy]]|
^Muziko|[[pierre perret]]|
^Kantas|[[jxak le puil]]|

===== Teksto =====

Iun vesperon gajis ni
Dum televida nefunkci'!
Memoros mi dum longa temp'
Cxi tiun tagon de printemp'!
Ni fine mangxis kun kviet',
Kun malatent' pri l' ekranet',
Aperos ne cxemizmakul'
Pro surprizemo de fusxul'.

Iun vesperon gajis ni
Dum televida nefunkci'!
Maltrafis ni sen ia dub'
Atencojn, bildojn de inkub',
Kaj cxion, kio falas sur
La kapon de la senkulpul',
Kaj plendon de la viktimar’
Dronantaj en singulta mar'.

Iun vesperon gajis ni
Dum televida nefunkci'!
Gepatroj miaj kun konstern'
Intencis voki al helpserv'...
Grandegis la moraldamagx'.
Necesis multe da kuragx'
Por iri meze de l' sxtupar'
Paroli fine kun najbar'.

Iun vesperon gajis ni
Dum televida nefunkci'!
En cxiuj flankoj de l' domeg'
Estigxis maltrankvila reg'.
Surstrate estis ja panik'!
Cxu eblas, ke en respublik'
La registar' ne strebu al
Cxesigo tuja de l' skandal'!

Iun vesperon gajis ni
Dum televida nefunkci’!
Kunvenis ni por la amuz';
Ekludis mi per kornemuz',
Kaj pacxjo per akordion',
Sametagxul' per violon'...
Bonegis tuj la improviz',
Mirigis cxiujn la surpriz'...

Malfrue laste por ornam'
Eros' envenis cxe l' program'.
Por panjo, nekredebla frand'
La edzo igxis re amant'!
Por sxi, la pacxja amdedicx'
Farigxis dua edzinigx';
L' okuloj brilis, kiel or’;
Batadis vigle sxia kor'.

Iun vesperon gajis ni
Dum televida nefunkci’!
Dank' al cxi tiu fusxpanik',
Ni formis bandon pri muzik';
For televid'! al brokantej'!
Koncertas ni por vivrimed',
Kaj morgaux lauxtos vigla rid':
Ni ludos cxe la televid!

{{tag>kanto litero_d kasedo}}