====== Eta estas mia domo ======

^Auxtoro|Christian Jakob Wagenseil|
^E-teksto|[[wpeo>Ferdinand Pfeil]]|
^Origina titolo|Arm und klein ist meine Hütte|



===== Teksto =====




Eta estas mia domo,
En gxi logxas harmoni',
Kaj kontenta cxiu homo,
Kies hejmo tie cxi.
Amo logxas en la muroj,
De l’felicxo bela kron';
Mi envias pro purpuroj
Ecx ne regxojn sur la tron'.

Kam min dorlotas kore
Edzineto, sxi angxel',
Kaj ni sxercas bonhumore:
Jen parteto de l' cxiel’.
En plezuro plej intima
Luno nur rigardas nin.
Ho felicxo, vi senlima!
Bona Di', mi dankas vin!

Dolcxa amomelodio
Dum vespero ravis nin,
Je l’unua sunradio
Per kiset' sxi vekas min.
Matenhor' valoras oron!
Do, kun nova vivogxoj',
Ni komencas la laboron
Sur modesta nia voj’.

Bele scias sxi rakonti
Pri plej dolcxa tera bon’,
Cxiu homo devus honti,
Kiu zorgas nur pri mon’,
Eta estas mia domo,
En gxi logxas harmoni'.
Kontentecon nur, vi homo,
Pregxu de l' helpema Di'!

{{tag>kanto litero_e germana}}