====== Fama, greka saĝegulo ======

^Muziko|[[E. Windeballe]]|
^Esperanta teksto|[[Oscar Bünemann]]|
^Tipo|nova teksto|

===== Teksto =====


Fama, greka sagxegulo,
„Kavaliro de l’ barelo”,
kun animo sen makulo
kaj kun virtoj de angxelo

volis sercxi samvirtulojn
ekster la barelinterno
kaj direktis la okulojn
cxiuloken per lanterno.

Kun lanterno en la mano
li esploris kaj vagadis
gxis la bord' de l’ oceano. —
Sensukcese li sercxadis.

Cxar nenie li atingis,
kion li ektrovi volis,
la lanternon li estingis
kaj denove sin izolis.

Mi ne estas sagxa ulo.
Mi ne logxas en barelo,
Mi ne estas sen makulo.
Mankas virtoj de angxelo.

Sed mi gebonulojn trovas
cxiuloke kun facilo.
Sur la gxustan vojon movas
min mirinde bona ilo.

Gxia nomo: Esperanto.
Gxia signo: Verda stelo.
Dank' al tiu vojhelpanto
mi ne estas en malhelo.

Vane uzis Diogeno
la lanternon filozofan,
Mi profite kaj sen peno
uzas lingvon Zamenhofan.


{{tag>kanto litero_f esperanto}}