====== Forte staras montkasteloj ======

^Auxtoro|Franz Kugler (1826)|
^E-teksto|[[wpeo>Ferdinand Pfeil]]|
^Origina titolo|An der Saale hellem Strande|



===== Teksto =====




Forte staras montkasteloj
Cxe la bord' de l’Sal-river'.
Teren falis la tegmentoj,
Tra la haloj blovas ventoj,
Nuboj migras tra l’aer'.

Ja forestas kavaliroj,
Jam ne sonas sxild' kaj lanc’;
Musko kovras la ruinojn,
Sed graciajn fe-knabinojn
Iam vidis ni en danc'.

Nin salutas cxarmulinoj
Kun afabla bonhumor';
Ni rigardas en la rondo,
Bele floras nia mondo,
Gxojas kelka juna kor'!

Ni forlasas la kastelon.
El la haloj de l'ruin'
Sonas nun adiaux-kantoj:
Gxis revido; vi migrantoj!
Tukoj postsalutas nin.

{{tag>kanto litero_f germana}}