====== Forveturo ======
//Kantas [[Kajto]], teksto de [[http://esperanto.net/literaturo/roman/deij.html Leendert_C._DEIJ]], muziko de Nanne KALMA.//

===== Teksto =====

Balancigxante laux la ondopelo
La pruo batas blankan paston
Kaj ne perdinte sian cxaston
Petole amindumas stel' al stelo

Ekspionante super volba velo
Desegnas luno longan maston
Sur sxauxme verdan marovaston
Kaj fosforumas flave tra l' malhelo

Formorte rauxkas lasta mevograko
Saluton! Kota kontinento
Bordeloj, brando kaj volupta sento

Suficxas mia pipo kun tabako
Vidveca dormo sur la pajlosako
Sur pura mar' sub blua firmamento
{{tag>litero_f kanto}}