====== Freŝa vento, freŝa vivo ======

^Muziko|[[E. Windeballe]]|
^Esperanta teksto|[[Teo Jung]]|
^Tipo|nova teksto|

===== Teksto =====

Fresxa vento, fresxa vivo
blovas de la altmontar'
kaj en gaja ofensivo
pelas polvon el arkivo,
pusxas al agema far'.

Vigla blovo, verva movo
tusxas niajn vicojn nun:
For metodoj de l’ malnovo,
sur aktar' senpova kovo!
Ek! Renkonte al la Sun'!

Kiu volas mond-akiri,
estu preta por batal'.
Ne utilas nur sopiri,
sed kuragxe pioniri,
lukti por la ideal'!

Belaj estas sapvezikoj
de la revo kaj imag',
belaj ankaux  statistikoj
kaj ekzaktaj la rubrikoj;
tamen venkas nur la ag'.

Do, antauxen, karaj fratoj,
en batalon kun defi'!
Ne timigu vin la batoj  —
vi rebatu! Ja soldatoj
de l’ Ideo estu vi!

Tra batalo kaj laboro
lumradias la Estont'.
Venos horo, brilos gloro,
regos gxoj', jubilos koro:
Nia estos jam la Mond'!


{{tag>kanto litero_f esperanto}}