====== Fromaĝ' el Edamo ======

^Teksto|wpeo>Raymond SCHWARTZ|
^Muziko|Franz Winkler|
^Kantas|Johan Valano - Claude Piron|
 
El la sonkasedo "Frandu piron!" de Johan Valano, aperinta en 1982 cxe la eldonejo Edistudio, Italio.

===== Teksto =====
{{ :muziknotoj:fromagx-el-edamo.png?380}}

Li estis maristo fidela,
Kiu post longa vojaĝ'
Al la fianĉino en hejma vilaĝ'
Revenis kun bulo da fromaĝ' .

> Fromaĝ' el Edamo, ĝi estu por vi
> Pri mia amo la garanti'.
> Konservu ĝin pie, sub silka paper'
> Kaj ĝin vidante, pensu pri mi dum versper'!

Sed nia maristo tuj devis
Iri por nova vetur'.
Kaj lia fraŭlino kun plora murmur'
Promesis per plej solena ĵur'.

> Fromaĝ' el Edamo, mi ĵuras al vi,
> Ke mia amo nur estos li
> Mi gardos vin pie, ĝis mia amant'
> Revenos por edziĝi el transmara land'.

Kaj ĉiumatene, fidele
Al la fromaĝ' sur bufed',
Ŝi portis du vazojn kun freŝa buked',
Ŝtelita ĵus el najbara bed'.

{{  :bildoj:valano_frandu_piron.jpg?130}}

> Fromaĝ' el Edamo, vi estos por mi,
> Pri mia amo la garanti'.
> Mi ĝoje rekonas, de lia vizaĝ'
> La karajn trajtojn nun en tiu ĉi fromaĝ'.

Sed ŝia maristo pereis,
Ve! en la ondoj de l' mar'.
Ŝi tion eksciis sen antaŭprepar',
Nur per telegrama formular'.

> Fromaĝ' el Edamo, nin trafis la sort',
> Jen telegramo pri lia mort'!
> Torente plorante, la bona fraŭlin'...
> Distranĉis la fromaĝon kaj formanĝis ĝin! :-)

===== Eksteraj ligoj =====

* http://claudepiron.free.fr/enregistrements/fromagho.mp3 - muziko en mp3
* http://www.edistudio.it/ - la eldonejo Edistudio

{{tag>kanto litero_f Esperanta notoj}}