====== Ĝojegon Dio mem al ni donacas ======

^Auxtoro|Heinrich Christian Schnoor (1801)|
^E-teksto|[[wpeo>Ferdinand Pfeil]]|
^Origina titolo|Vom hoh'n Olymp herab|



===== Teksto =====


Gxojegon Dio mem al ni donacas,
Junecan revon donas Li.
Kaj se envio nin minacas,
Ni ne malgxoju, fratoj vi!

//Refreno://
>Sonu kantado, forflugu cxagren',
Gxoju vi fratoj cxe trinka festen'!

Ni sen doloro vivu sur la tero
En plej felicxa harmoni',
Kaj de maten' fidele gxis vespero
Nin ravu hela sunradi’!

//Refreno//

Dum bona Di' volonte gxin permesos,
La belajn horojn gxuu ni,
Kaj kiam foje nia vivo cxesos,
Kunvenos ni en Elizi'.

//Refreno//

La sanon do al via belulino,
Cxarmanta vin sur via voj'!
Nun trinku gaje de l’plej bona vino,
Ke sxin trafluu arda gxoj'!

//Refreno//

La morto for el nia gaja rondo
Kunulon rabis sen kompat':
Nun gxis revido en alia mondo
Ripozu pace, korofrat'!

>Ni ploru pro li, kiu iris jam for.
Ni havu lin cxiam en bona memor'.

{{tag>kanto litero_gx germana}}