====== Hejmo ======

^Muziko|[[Rafael Milhomem]]|
^Esperanta teksto|[[Marjorie BOULTON]]|
^Tipo|adapto|

Kantas Karliene Araújo

===== Teksto =====
Junaj geedzoj ĝin aĉetis.
Ŝi kudris; li ĉarpentis.
Ligno kaj ŝtofo ordigite netis,
kaj meblo ŝajnis amosigno.

Ili vivadis pene, ŝpare,
sed ĝoje, kreis sian neston,
revadis pri la hejmo pare,
kaj prifieris tolokeston;

tapetis murojn, plantis florojn,
preparis robojn por la tria - 
kiu alportis ja laborojn, 
sed igis hejmon ĝojradia.

Pli da infanoj; pli da penoj;
da maltrankvilo, kaj sufero;
pli da laboroj, pli da benoj,
da estonteco kaj espero.

Mebloj akiris siajn mitojn;
infanoj kreskis; ili kreis
proprajn memorojn, etajn ritojn; 
mezaĝa paro jubileis –

bombo detruis dum sekundo  
rikoltajn dudekkvin septembrojn, 
kaj lasis sur malpura grundo
nur meblopecojn, sangajn membrojn.

===== Eksteraj ligoj =====
* https://open.spotify.com/album/4veNUz6mBCdr7iqkw1apmB - Kanto ĉe Spotify

{{tag>kanto litero_h}}