====== Ho, Normandi' ======

^Esperanta teksto|[[A.Ŝefer]]|
^Tipo|traduko|
^Originala titolo|Ma Normandie|
^Originala teksto|[[Frédéric Bérat]]|
^Muziko|[[Frédéric Bérat]]|


===== Teksto =====

Ho, cxe l’ reven' de la printempo
post vintra frost' kaj malvarmec'
en mia bela, franca lando
la suno brilas en helec'.
Ho, kiam cxio reverdigxas,
la hirundar' al Normandi'
revenas, — dum mi malgxojigxas,
naskigxolando kara, nur pro vi!

Mi konas Svislandeton belan
kun gxia negxomontcxenar',
en Italuj' cxielon bluan,
Venizon kun la gondolar'.
Sed vidis landon mi nenie
similan al la Normandi';
felicxa mi nur estas tie
en vi, naskigxolando, nur en vi!

En cxiun vivon venas horo,
en kiu cxesas la revad';
bezonas tiam cxiu koro
konsolon per la memorad'.
Se cxesos mia kantinspiro,
mi venos tuj, ho Normandi',
al vi pro mia korsopiro,
Naskigxolando kara estas vi!


{{tag>kanto litero_h franca}}