====== Infanaj Demandoj ======
//Auxtoras kaj kantas [[Mikaelo BRONSxTEJN]]//

===== Teksto =====
Tutan tagon - jes, en vero -
De mateno gxis vespero,
Kaj ecx de vespero gxis maten',
Alirante kun humilo,
Min demandas mia filo -
Estas plej terura ekzamen'...

>Sen pripenso vi respondon trovu.
>Jes... Malfacile!

Cxu por birdoj estas gantoj?
Kiel tusxas elefantoj?
Cxu avinon havas norda vent'?
Kie steloj dormas tage?

>Ne imagas mi ecx svage -
>Kion li demandos post moment'.

Eblas tute frenezigxi, jes... Terure!

//Cxi tie sekvas sceneto - eldiro: (tr. el la rusa)//
//- Pacxjo, kiel nomigxas tiu cxi auxto?//
//- Kiu do auxto?//
//- Nu jen tiu, kun granda sxangxujo.//
//- Ne sxangxujo, sed sxargxujo. Gxi estas germana auxto, gxi nomigxas "Magirus".//
//- Cxu do oni dum la milito gxin kaptis?//

Jam kusenon sercxas l'kapo,
Sed denove kiel frapo:
- Kio estas "opodeportun"?
Li demandas en krepusko:
"Cxu similas muson musko?
Kaj cxu estas kuloj en la Lun'?"

>Kie ili ja forestas? Interese...

Mi ja dormas sen reveno,
Cedas lokon al cxagreno:
Kion plu elpensos vi, acxul'?
En la cxambro cxio mutas.
La filet' en songx' balbutas:
"Kio, kiam, kiel, kiu, cxu?"

>Mi rigaradas lin admire, jes. Interese...

//(tr. el la rusa)//
//- Pacxjo, kiel en Esperanto estas =cxevalo=?//
//- "Fisxo".//
//- Nu kion do vi diras =fisxo=... "Fisxo" estas =fisxo=. Sed =cxevalo= en Esperanto estas "cxevalo". Pacxjo, cxu mi nomu najbaron Vovka "cxevalo"?//
//- Kial do tiel?//
//- Cxar antauxe mi lin nomis "fisxo"...//

- Nur trankvilo - jen arogo.-
Diris granda pedagogo.
Mi atendis kun interna trem':
Li demandos, mi esperis,
Pri de kie li aperis?
Sed li tion bone scias mem.

>Plej versxajne de najbaro Vovka.
>Tute certe.

Mi respondas, mi konvinkas,
Trankviligajn gutojn trinkas.
Sed mi revas - iam kun humil'
Pri piratoj kaj perantoj,
Kaj pri vortoj Esperantaj
Li demandos same, mia fil'.
.....
{{tag>litero_i kanto rusa}}