====== Iri Vendi Azenon ======
//Kantas [[Kajto]], teksto de Gerrit BERVELING, muziko de Nanne KALMA.//

===== Teksto =====


Kun azeno al foiro
Vendocele gajnespere
Iris kun la patro fil'
Trotis besto hufofere
Tronis pacxja mosxt' sursele

Laux la ir' komentis oni
"Jen la olda senkorulo
Igas sxvite filon droni
Mem pasxae tiu nulo
Volas, fi! Ja nur imponi"

Kun azeno al foiro
Vendocele gajnespere
Iris patro kun la fil'
Trotis besto hufofere
Regxfieris fil' sursele

Laux la voj' komento hora
"Jen la kompatinda pacxjo
Lin misuzas fil' senkora
Pensas nur pri propra placxo
Sort' oldula ja dolora"

Kun azeno al foiro
Vendocele gajnespere
Iris patro plu kaj fil'
Trotis besto hufofere
Logis miron malplensele

Laux la strato jen komento:
"Besto certe senvalora
Ke cxi ambaux en konsento
Gxin ne rajdas, plejsekura
Avertil' je acxet-tento"

Kun azeno al foiro
Ne plu iris vendocele
Ne plu iris gajnespere
Kun la patro jam la fil'
Trotis besto hejmencele
Sidis ambaux nun sursele

{{tag>litero_i kanto}}