====== Italia bolŝevista kanto ======

^Esperanta teksto|[[Aug. SCHWENK]]|
^Tipo|traduko|

===== Teksto =====

De la sangumita tero
Krio svingis sin subita,
Krio de subpremataro,
Kiel ne jam ekauxdita.
Tamen tie en Rusio
Lumo nova helekflamas,
Al sklavaro gxi proklamas:
Venis nova temposfer'!

//Rekantajxo://
>Bolsxevistoj, bolsxevistoj,
Noblaj plej el komunistoj!
Nur per vi, vi bolsxevistoj
Realigxos la liber'!

Lum' igxinta oriente,
Plejbeligxas via brilo,
Ecx en okcidento rugxas
Jam la horizontprofilo.
Kontraux servutec' levigxas
De l' popoloj forta ligo.
Ver' sin solvas de intrigo,
Sklavoj pretas sen gxemer'.

//Rekantajxo//

Pli potence kaj pli klare
Lumo nova briletadas.
Jam ne plu la kalumnio
Al cxi-radiar' invadas.
Per radioj de cxi-lumo
Koroj mil nun hele flamas.
Cxien langoj mil proklamas:
Venis nova temposfer'!

//Rekantajxo//


{{tag>kanto litero_i itala laborista}}