====== Jen la maro al Danio ======

^Muziko|melodio de: Danmark, dejligst Vang og Vænge|
^Esperanta teksto|[[H. E. Jensen]]|
^Tipo|nova teksto|

===== Teksto =====

Jen la maro al Danio
estas voj' por viv':
Fago, kverko kaj abio,
kampo kaj dekliv'
speguligxas en la akvoj;
vaporsxipoj kiel drakoj
flugas, portas belajn varojn
kaj akcelas farojn,

Tian limon ni tre sxatas
— estas ja ligil' —
sed la limon, kie batas
post la patro fil'
kontraux frato nigra, blanka
en milit' sovagxa, sanga:
gxin penadu ni forigi
kaj al pac' instigi.

Cxar anstataux bluaj maroj
inter land' kaj land'
estas depost mil da jaroj
muroj cxe la rand’
de suspekto,   miskompreno
kaj nebulo de veneno —
— sed en cxiu ajn popolo
vivas bona volo!

Do laboru, novspirita
esperanta hom',
por la tute malfermita
bela, dana dom'!
Jen cxe niaj belaj  bordoj
mar' kaj malfermitaj pordoj
estu benportantaj iloj
inter mil kaj miloj!

Nian songxon pri Danlando
en estonta hel' —
sen milita propagando —
sub la verda stel':
helpu gxin efektivigi,
la felicxon perfektigi
inter niaj fagarbaroj
cxe la bluaj maroj!


{{tag>kanto litero_j esperanto}}