====== Kastelo kaj kabano ======

^Esperanta teksto|[[G. O. KARLSSON]]|
^Tipo|traduko|
^Originala titolo|Slottet och kojan|
^Originala teksto|Anna Maria Lenngren|

===== Teksto =====


Kampara kabaneto
vi estas mia dom'.
Sed nur en humileto
eniras vin la hom'.

Ne alte kaj impone
vi montras al cxiel'.
Sed staras fanfarone
proksime la kastel'.

Logxadas grandsinjoro
en tiu granda dom'.
Mi dormas sen angoro,
sed ne la alta hom'.

Li kortegano estas
kun grandioza stel'.
Sed tion mi atestas:
malgxojas la nobel'.

Trankvile cxe l' dometo
mi sidis en vesper'.
Jen — lia hundareto
bruadas tra l' aer'.

Li venas promenante
kaj baldaux pasas for,
dum mi en gxoj' kantante
diservas el la kor'.

Kanteto simpla estas,
verkita de mi mem,
per kiu nun mi festas
vespere en pacem'.

Enhavo de la kanto:
"Al Dio estu dank'
por help' al suferanto,
por sav' el cxiu mank'.

La kanton auxskultante
li stans, la sinjor'.
Mi mute salutante
la cxapon levis for.

Ekgxemo pro doloro
audigxis en vesper'.
Mi pensis: "Ho, sinjoro,
vi estas en sufer'."

Signifas ja la gxemo:
"Por via gaja kor'
mi tuj sen hezitemo
kastelon donus for."

Rigardis mi miranta
al Dio en cxiel',
al Dio ja zorganta
pri domo kaj kastel'.


{{tag>kanto litero_k sveda}}