====== Kiam ruĝa flago plaŭdas ======

^Teksto|Oskar Hansen|
^Esperanta teksto|[[C. Graversen]]|

===== Teksto =====

Kiam rugxa flago plauxdas
en serena festveter',
gxi prikantas, dum mire mi auxdas,
la prosperon de nia afer';
kaj ekstaras mi spite-ribele
impetega pro fort-erupci',
cxar la flago ja rugxas surcxiele,
kiel rugxas la sango en mi.

Mia patro sin rektigis
cxe fanfaro de l’ standard',
lian koron bategi instigis
gxia rugxa fiero kaj ard'.
Tiun rugxon mi amas honore,
jam de kiam min vartis patrin'
kaj rakontis solene kaj elkore
pri la fajra standard-karmezin'.

Kaj mi vidis la luktadon
por estonta fora cel',
mi vidadis la sklavo-brigadon
virecigxi gxis alta nivel';
kaj kondukis la rugxa standardo
en venteg', en mugxanta batal',
kaj sub gxi laborista avangardo
kreis mondon kun justa moral'.

Tiu flago de la peno
estu al la junular'
la impulso en kor' kaj tendeno
por frakaso de cxiu limbar'.
Gxi antauxis je paca laboro,
kaj dum vokis batal-alarmil';
kaj sub gxi ni kunigos kun fervoro
tutan mondon porpac' kaj trankvil'.

{{tag>kanto litero_k dana laborista}}