====== Kio estas via celo? ======

^Muziko|melodio de: Ja, vi elsker dette Landet|
^Esperanta teksto|[[H. E. Jensen]]|
^Tipo|nova teksto|

===== Teksto =====

Kio estas via celo,
esperanta hom',
en la nuna mondmalhelo ?
Cxu vi en la nom'
de tutmonda paco revas
pri la harmoni'?
/:   Cxu ne en la mondo devas
agi, agi ankaux vi? :/

Kamarado, cxu vi scias,
kien iras vi?
Cxu vi en la horo krias
laux la melodi'
de potenco kaj  „felicxo”  —
membro de soci'
/: sub la sankta supersticxo —
kion, kion   kredas vi? :/

Kion amas vi, amiko?
Cxu en via kor'
logxas amo al tekniko
kaj la rugxa or'?
Cxu vi revas pri profito
laux de l’ mond' regul' —
/: sed en vi la vivspirito
estas, estas nur fremdul'? :/

Necesegas la espero
al la homa kor';
sed pli grava estas vero,
al la viv' trezor'!
Kiel roko por la domo
tauxga fundament'
/: estas vero por la homo
kaj la, kaj la| homa gent'! :/

Se la veron vi auxskultas,
sed en via kor'
kun idoloj vi adultas
dum la taglabor',
vi la vivan legxon rompas,
regas vin la sort';
/: je la vivo vi vin trompas,
restas, restas  nur la mort'! :/

Malfermigxu la okulo,
auxdu la orel'!
Sin forigu la nebulo,
brilu nia cel'!
Anoj de la verda stelo,
kien montras gxi?
/: Kie estas la cxielo? —
En la, en la  kor' de vi! :/


{{tag>kanto litero_k esperanto}}