====== Kisu min ankoraŭfoje! ======

^Muziko|Melodio de: Le petit quinquin|
^Esperanta teksto|[[wpeo>R. Schwartz]]|
^Tipo|traduko|


===== Teksto =====

La infano dum vespera horo,
Kiam steloj brilas sur cxiel',
Enlitigxas kaj kun pia koro
Kusxas apud sia pulcxinel',
Raldaux dormos gxi trankvile,
Sed antauxe tre gxentile
Diras l' infanet'
Al sia kara patrinet':

"Kisu min ankorauxfoje, kara patrinet',
Kaj mi dormos sagxe kiel angxelet'!"

Sed rapide jaroj ja forkuras,
Kaj junulo estas edzo jam,
Kiu varme al edzin' susuras
Dolcxajn vortojn pri eterna am'.
Kaj vespere amkarese
Al edzino plej promese
Ofte kantas li
Laux la konata melodi':

"Kisu min ankorauxfoje, kara edzinet',
Kaj mi vin dorlotos kiel diablet'!"

Apud forno jen post multaj jaroj
Lace sidas avo kaj avin',
Tiam malgraux siaj blankaj haroj
Ili ambaux regajigas sin.
Kiam sxerce bonhumore
Dum vespero rememore
Treme kantas li
Laux la antikva, melodi':

"Kisu min ankorauxfoje, kara avinet',
Kaj mi ree estos angxel' diablet'!"

{{tag>kanto litero_k franca traduko}}