====== Koko nigra ======

^E-teksto|[[wpeo>Franko Luin]]|
^Originalo|Los gallos|

===== Teksto =====

Kiam kantas vi, koko nigra,
estas nokt’, estas malhelo.
Sed kiam kantas la koko rugx’
rugxas jam la cxielo.

//Rekantajxo://
>Vent, vento forportu
for mian kanton sinceran.
La kanton eskortu.
Kant’, kanto malfortu.
Por orelo dangxera
la kanto senvortu.

En areno vi renkontigxis,
bek-al-bek ekster la kagxo.
La nigra fidis je sia grand’,
la rugxa je la kuragxo.

>//Rekantajxo//

Koko nigra vi ne finvenkis,
via sprono estis pruntita.
La rugxa koko ja dauxre vivas,
gxi venkos per volo granita.

>//Rekantajxo//

Koko nigra, ho koko nigra,
tio estas mia finvorto:
la kokon rugxan ne venkos vi,
gxin povas venki nur morto.

>//Rekantajxo//

{{tag>kanto litero_k hispana}}