====== Kontraŭdiroj ======
Kontraŭdiro estas kanto de [[Julián Hernández]] ĉe la disko [[Juliano Kantas]].

^Muziko|[[Julián Hernández]]|
^Esperanta teksto|[[Julián Hernández]]|
^Esperanta plenumo|[[Julián Hernández]]|
^Tipo| nova teksto |

===== Teksto =====
Ŝajnas ke niaj plendoj kaj konfliktoj ne solveblas,
ĉiam estas kontraŭdir´, ĉiam estas kontraŭdir´.
Ŝajnas ke la amo kiu momente nin inspiris
jam disfalis ĝis la mort´, restas sen valor´.

La ĉiutagaj faktoj ne aliigas niajn intencojn
malgraŭ la klopodoj, ni ne venas en konsenton,
niaj esperoj certe estas aliloke, tion ni akceptu
temas pri grava konsilo de nia viv´.

Sendube nia breĉo neniam estos plenigita
kataklismo atakas nin, ni pli bone savu nin.
Ni iras dudirekten, trairas malsamajn vojojn
Disde unu de la ali´, unu de la ali´.

Certe la feliĉo kiun ni ĝuis jam forflugis.
Mankas la ligilo kiu kunigis niajn aferojn.
Ni bonvenu la distancon kaj ni diru “Ĝis revido”.

//Refreno://
>Renkontindas alia vojo en la viv´.
>Renkontindas alia vojo en la viv´.

//Refreno://
>Kontraŭdiroj, kontraŭdiroj,
>Ĉiam estas kontraŭdiroj.
>Kontraŭdiroj, kontraŭdiroj,
>Ĉiam estas kontraŭdiroj.

En mia vivo, en via vivo, kontraŭdiroj.  

{{tag>kanto litero_k}}