====== Krakova knabeto ======

^Muziko|S. MONIUSZKO|
^E-teksto|[[S. WEJLAND]]|
^Origina teksto|Krakowiaczek|


===== Teksto =====


Krakova knabeto kantas mi kaj ridas
Griza cxevaleto vigle ekrapidas,

>Ho, rapidu cxevalet',
Brilu sxtala hufumet'…
Ho, rapidu cxevalet',
Brilu sxtala hufumet'.

La cxapeto rugxa sur la kapo flamas,
Gxi signifas, ke la koro arde amas,

>Cxevaleto portas min
Kaj manklakas la knabin'.
Cxevaleto portas min
Kaj manklakas la knabin'.

Je la vent' bruetas sekalo, tritiko
Gaje min salutas per la plena spiko,

>Mi gxin vendos kaj knabin'
Tuj koketos cxiu min
Mi gxin vendos kaj knabin'
Tuj koketos cxiu min.

Kvankam la knabinoj cxarmaj kaj graciaj,
Al mi placxas nun karulino mia.

>Por sxi batas mia kor'
Kaj aliaj iru for.
Por sxi batas mia kor'
Kaj aliaj iru for.

{{tag>kanto litero_k pola}}