====== Krudaj rabotaĵoj pri la prefiksoj kaj sufiksoj ======

^E-teksto|[[wpeo>Albert LIENHARDT]]|

===== Teksto =====

mal-: 
se bela vetero: promena invit’,
Malbela restigas nin hejme en lit’.
Rekantajxo: hola dri ho...

pra-:
prahomoj logxadis en roka kavern',
en kiu dumnokte ne lumis lantern’.

bo-:
bopatro: la patro de mia edzin',
(Sed ni ne parolu pri sxia patrin’).

fi-:
fihomo: se regas morala difekt',

acx-:
homaco: se tedas malplacxa aspekt'.

eks-:
la ekslernejanon plenigas plezur’,
Nun lia postajx' ne plu estos tambur'.

dis-:
disdoni signifas: eljxeti tra l’ vent’;
se restas nenio, alrampas la pent’.

ge-:
frau~lino kaj frau~lo? Jen bona instru’:
geedzoj signifas kunigon de l’ du!

ek-:
ekfaro signifas komencon de far';
malfrua eksxparo: fatala erar'.

mis-:
misuzas pianon, cxar mankas talent',
malbona ludanto: terura turment'!

for-:
foriro gxojigs ne tre ofte nin,
Escepte en kaz' de l' edzina patrin'.

re-:
en "re-" estas vok' al returno, ripet’;
revenu gemembroj al nia societ'!

-ad:
per “-ad" oni markas la dau~ron de l’ ag';
kisado gxojigas, sxvitad' estas plag'.

-ajx:
belajxo tre placxas al nia okul',
Precipe se estas belino (au~ ul').

-an:
la an' kotizanta: jen samidean';
anigxu denaske jam via infan’!

-ebl kaj -ind:
trinkebla: la akvo - trinkinda: cxampan'.

-em:
trinkema: la viro kaj eta infan'!

-ec:
koreca boneco: malofta kvalit’.
(precipe se mankas esper' al profit’...)

-et:
per "-et” malpliigu, pliigu per "-eg";

-eg:
tre placxas busxeto, sed ne la busxeg’.

-ej:
la loko por drinki nomigxas drinkej’;
studentoj sxategas nur gxin multe plej.

-er: 
ja estas "nubero" parteto de "nub”,
Sed estas "tubero" ne parto de "tub".

estr:
por "estro" kaj "cxefo": simila difin’;
Por multaj la estro nur estas ... edzin’.

-id:
regxido: infano de regx’ kaj regxin’;
pulido: ideto de pul' kaj pulin'.

-ig:
"La gxojo beligas!" predikas mormon’;
frau~linoj pli fidas al lipo-krajon'.

-il:
por pena laboro nin servas la il’:
por mangxi, mangxilo; por ludi ludil’.

-ing:
fumad-cigaringo: tenil’ por cigar’;
sed estas "haringo" ne "ingo por har’".

-ist:
per "-ist" profesion rekonas jurist’;
gxi rimas kurioze kun idealist’.

-uj:
monujo signifas restejon de mon’;
malplena monujo: malgaja kanzon’...

-ul: 
ne miru vidante en via spegul’
Portreton de stranga ulino (au~ ul').

-um:
ornamu la kolon per bela kolum';
Ne faru la samon sur kuk' per kukum’!


{{tag>kanto litero_k}}