====== Kun Helpo De Di ======
//(With God on our side), Dylan - Pilger//
===== Teksto =====
Mia nomo ne gravas,
Mia agxo malpli.
El la mezokcidento
De Uson' venas mi.
Obei la legxojn
Oni diris al mi,
Kaj ke certas la lando
Pri helpo de Di'.

Historio rakontas,
Per plej simpla vort',
Ke soldatoj atakis
Indianojn gxis mort'.
La soldatoj pafadis,
Miloj mortis kaj pli;
Estis juna la lando
Kaj helpis gxin Di'.

La militon hispanan
Venkis ni kun merit'.
Sed poste gxin sekvis
La civila milit'.
La nomojn heroajn
Memorigi devis mi;
Ili havis pafilojn
Kaj helpon de Di'.

Mondmilito unua
Alvenis sen gxen'.
Sed kial' de milito
Restis ekster kompren'.
Mi gxin lernis akcepti
Kun gxoja ebri'.
Ni ne nombras mortintojn,
Se helpis nin Di'.

Post la fino de l' dua
Al ni mankis fortik'.
Do nun la Germano
Estas cxefa amik'.
Kiuj murdis milionojn
En forna furi',
La Germanoj, nun gxuas
Ankaux helpon de Di'.

Mi lernis, ke estus
Malamiko la Rusx,
Kiel antaux nelonge
Tio estis la Prusx.
Malamo kaj timo
Estas jam tradici'.
Mi gxin brave akceptas
Kun helpo de Di'.

Nun ni havas armilon
kun potencx de kemi'.
Kiam estos okazo,
Do gxin uzos ni.
Premu unu butonon...
Kaj jen fino por ni
Ne demandu, cxar certas
Ni pri helpo de Di'.
{{tag>litero_k kanto}}