====== L’ almozulo ======

^Muziko|József DINNYÉS|
^E-teksto|[[wpeo>Raymond SCHWARTZ]]|
^MIDI|{{:muziko:l_almozulo.mid}}|

Aperis en la sonkasedo //Al Venko!//, eldonita de Lingvo-Studio en 1986.

===== Teksto =====
{{ :muziknotoj:l_almozulo.png}}
{{:bildoj:alvenko.jpg?150}}

Cxiutage kun vespero
Venas almozulo,
Kaj li staras longajn horojn
Cxe la stratangulo.
Viro eble kvindekjara
Kun mizera masko,
Tial, ke kompaton veki
Estas lia tasko.
Ftiza tuso tamp’ al tempe
Skuas lian kapon,
Pli insiste li etendas
Grasmakulan cxapon.

Li al bonaj virinetoj 
Bruan dankon macxas,
Post avaraj senkoruloj
Li indigne kracxas.

Kaj senbrue malrapide,
Kiel li alvenas,
Li, parenc’ de noktaj ombroj,
Lame sin fortrenas...
Cxiutage dum noktmezo
Brute sen kompato
Sxiras min en sana dormo
Bruo sur la strato:
L’almozulo kun kolegoj
Dancas farandolon
Kaj ebriaj ili grakas
Vengxan karmanjolon.


{{tag>kanto litero_A kanto esperanto noto midi akordoj}}