====== La Adiauxa ======
//Kantas [[Mikaelo BRONSxTEJN]], datita 1990.//

===== Teksto =====
Venis printempo al niaj negxoj
por la vekigxo, pentoj kaj pregxoj.
Inter la festoj tagoj forkuras.
Auxdu, amikoj - mi forveturas!
Eble mi sxangxis bonon al bono,
kukon formangxis super duono...
Tute senhonte grizas tempioj, -
estas la vivo
kuko aroma, -
do, kion fari,
amikoj miaj?!

Foje l' destino batis min forte,
sed en obstino mi iris for de
kruda malico, trompo sxancela
al vi, amikoj, la rondo hela,
ne por en ploroj ekplendi krocxe, -
cxiuj ni fartas ne senriprocxe.
Inter kutimaj mokoj kaj pikoj
mi vian eston,
vian sinceron, 
vian memoron
dankas, amikoj!

Ne tro sopiru, ankaux mi - ne tro -
trans la atendo dekmilkilometra
ligos nin cxiam la rememoroj:
gxojoj naivaj, frostoj kaj floroj.
Donos la sorto la sopiraton,
venos la festo en nian straton:
iam denove kunvenos ni, kaj
trinkos la vinon,
kantos la kantojn,
gxuos parolojn,
miaj amikoj!...
{{tag>litero_a kanto}}