====== La alveno de l' printempo  ======

^Muziko|melodio de: Naar kommer Vaaren vel?|
^Tipo|nova teksto|

===== Teksto =====

Kiam venos la printempo //en la naturon?//
>Kiam ni, la verdstelanoj,
Esperantostel-klubanoj,
en arbaro kunvenados,
kantos, ridos, parolados,
—  venos printempo,
venos printempo.

Kiam ni kunvenos en la arbaro?
>Kiam laux la kalendaro
verda estu la arbaro
kun fagarboj cxarmaj, helaj,
altaj kaj majestaj, belaj,
—  oni kunvenos
en la arbaro.

Kiam la arboj verdigxos?
>Kiam varmo al aero,
kiam varmo al la tero
venos per la bril' de l’ suno,
(„kora varmo” per la luno)
—  arboj verdigxos,
arboj verdigxos.

Kiam venos la varmo?
>Kiam estos sur cxielo
nuboj ne, sed blua belo,
kiam ree suno brilos,
dum alauxdo gaje trilos,
—  al la naturo
venos printempo.

Kiam venos la printempo //al la homaro?//
>Kiam homoj cxiulandaj
el nacioj etaj, grandaj
kiel fratoj kunvenados,
kantos, ridos, parolados,
—  venos printempo,
venos printempo.

Kiam oni kunvenos kiel fratoj?
>Kiam homoj en la mondo
estos granda, verda rondo
reciproke sin fidantaj,
estimantaj, komprenantaj,
—  oni kunvenos
kiel gefratoj.

Kiam la homoj faros grandan rondon?
>Kiam brulos paca flamo
en la kor' de pura amo,
sur homama fundamento
homoj faros en konsento
—  fratan rondegon,
fratan rondegon.

Kiam venos do la paco?
>Nur post granda hombucxado,
post doloroj, vekriado.
Kiam venos post milito
novaj sento kaj spirito,
—  al la homaro
venos printempo.


{{tag>kanto litero_a esperanto}}