====== La bedaŭranta edzo ======

^Teksto|[[wpeo>Jan Van SCHOOR]]|


===== Teksto =====


Vi, frauxloj felicxaj, auxskultu
konsilon de sperta vir’:
de cxiu knabin’ edzinigxi
la sola estas dezir’.
Evitu sxiajn kaptilojn,
ne fidu pri iu virin’!
Mi, malfelicxulo, edzigxis,
sed ve!… mi bedauxras gxin!

Dum nia gefiancxigxo
Sxi estis kvazaux angxel’:
ha! kiom da belaj promesoj!
ha! kia estonta cxiel’!
Sed iam edzinigxinta,
sxi igxis diktatorin’…
Mi, malfelicxulo, edzigxis,
sed ve!… mi bedauxras gxin!

Mi devas ordigi la hejmon
post mia ofica labor’;
mi devas varti l’infanojn,
plorantaj ofte en hxor’!
Kaj dum tio sxi tranvile
klacxadas kun najbarin’!
Mi, malfelicxulo, edzigxis,
sed ve!… mi bedauxras gxin!

Nur dum la cxiusemajna
Esperantista kunven’,
cxe glaso da bruna biero,
forigxas mia cxagren’.
Sed kiam mi hejmen revenas,
bastono atendas min!
Mi, malfelicxulo, edzigxis,
sed ve!… mi bedauxras gxin!

Post tiu cxi tera vivado, 
— jen mia tutsola esper’! —
mi iros al la cxielo,
sxi certe al infer’!
Mi tiam felicxa estos,
dum brulos la diablin’.
Mi, malfelicxulo, edzigxis,
sed ve!… mi bedauxras gxin!

{{tag>kanto litero_b esperanto}}