====== La cigana bubo en nordo ======

^Teksto|Em. Geibel|
^Muziko|C. G. Reissiger|
^E-teksto|[[wpeo>W. Hölscher]]|
^Origina titolo|Fern im Süd' das schöne Spanien|


===== Teksto =====



Estas sude Hispanujo,
Mia bela patroland',
Kie ombra kasxtanujo
Tremas en mugxanta kant';
Kie ardas pli rugxete
Rozoj kaj migdaloj nun,
Kaj vinberoj pli dolcxete,
Kie brilas ore lun’.

Migris mi, la malgxojulo,
Kun liuto tien cxi.
En neniu homokulo
Vidas afablecon mi.
Kun donaco nesuficxa
Oni min irigas for;
Batas ne por mi, malricxa
Bruna knabo, homa kor’.

Tra nebulo vualanta
Jam ne brilas mia sun',
Jam ne estas mi kantanta,
Sentas tro malgxojon nun.
La motivo sin enpusxas
En la melodia kant',
Kiel mian koron tusxas
Mia hejma, suna land’.

Al patrujo la sopiron
Ne pli longe portos mi,
Tial lasu la deziron
Solan al mi sen envi’.
Nun antauxen! Hispanujon! —
Jam vekigxas hejma son’, —
Fine havu kasxtanujon
Mi cxe mia tomba sxton'!

{{tag>kanto litero_c germana}}