====== La esperantista jaro ======

^Muziko|[[E. Windeballe]]|
^Esperanta teksto|[[S. K. Nielsen]]|
^Esperanta plenumo|[[Nomo FAMILINOMO]]|

===== Teksto =====


Dum la vintro ni studadas
Esperanton kun fervor',
en la kursoj kaj studrondoj
estas vigla la labor'.
Ni parolas, kantas, legas
unuope kaj en hxor',
amuzigxas kaj progresas
kun felicxo en la kor'.

Sed printempe, kiam cxio
ekverdigxas en natur',
kaj la multaj birdoj kantas
felicxege en lazur'.
Tiam ni la kursojn finas
per festeno kaj humor',
kie la spirito regas
de la Zamenhofa kor'.

En somero, kiam brilas
de l’ cxielo varma sun',
nian lingvon ne forgesas
ni, sed ekskursadas nun.
Per piedoj kaj bicikloj,
auxtobusoj, vagonar'
ekskursadas verdaj homoj
al la maro kaj arbar'.

Kaj auxtune, kiam ree
malbonigxas la veter',
tiam ni denove pensas
pri tre grava la afer':
Nun ni kursojn organizas
por malnovaj kaj novul',
multaj kursoj cxiuloke
devas esti la postul'.

Tiel ni la tutan jaron
laboradu por l’ afer',
dum la vintro kaj printempo,
dum auxtuno kaj somer'.
Tiam nia lingvo venkos;
ni laboru kun obstin'
diligente kaj fervore,
— brila estos jen la fin'.


{{tag>kanto litero_e esperanto}}