====== La evangelio ======

^Muziko|melodio de: Kærlighed til Fædrelandet|
^Esperanta teksto|[[H. E. Jensen]]|
^Tipo|nova teksto|

===== Teksto =====

En la mondo, geamikoj,
strangan rolon ludas ni;
floro inter la urtikoj
vivas nur en nostalgi',
kaj sopiras ni, infanoj
de la ver', al samcelanoj.

En la mondo sonis vocxo,
brilis lumo en malhel',
sonis ne al ni riprocxo
kiel tondro de l’ cxiel', —
en de l’ mondo agonio
sonis la evangelio.

Al kaptitoj en karcero,
al blinduloj en malhel'
sonas vocxo de l’ espero,
venis graco de l’ cxiel'.
Al lamul' la Majstro diras:
„Iru!” kaj la homo iras.

Sed mortigis la profeton
mizeruloj sur la ter',
mokis nur la parakleton
sen kompreno de la ver'
kaj respondis per eksplodoj
nur al Diaj la klopodoj.

Kaj laux sama la praktiko
agas ankaux nun la mond';
la rezulto — ho, amiko!
jen cxiela la respond'
al la homa teorio,
al la revo sen konscio!

Jen, amiko, la kondicxo
de la ricxo sur la ter',
fundamento de l’ felicxo
kaj de l’ gxojo kaj esper'!
Jen interna la ideo:
Al  la vero  la  obeo!

Do, vi cedu al la voko,
anoj de la verda rond',
sen atento pri la moko,
persekuto de la mond',
Al la venk' en vort' kaj kanto
nin subtenu Esperanto!

{{tag>kanto litero_e esperanto}}