====== La gusto de salo ======

^Teksto / Muziko|Gino PAOLI|
^E-teksto|[[Giuseppe CASTELLI]]|

Origina titolo: **Sapore di sale**

===== Teksto =====

La guston de salo,
la guston de maro
vi havas surhauxte,
vi havas surlipe
kiam vi elakvigxas
kaj vi venas kusxigxi
flanken de mi,
flanken de mi;

la guston de salo,
la guston de maro,
maldolcxajn memorojn
de ajxoj perditaj,
de ajxoj lasitaj
tre fore de ni,
kie cxio malsamas
ol tiu mond' cxi.

La tempo enestas
la tagojn malemajn,
lasantajn enbusxe
la guston de salo;
vi jxetas vin akven
kaj min lasas rigardi,
kaj mi restas tutsola
inter sablo kaj suno.

Vi poste revenas
kaj vi lasas vin fali
cxi tiel sursablen
kaj en miajn brakojn;
kaj dum mi vin kisas,
la guston de salo,
la guston de maro,
la guston de vi...

{{tag>kanto litero_g itala}}