====== La kanto de l’ libro ======

^Teksto|E. H. Tønnesen|

===== Teksto =====

En la muta vort' de l’libro
kasxas sin sagaca fort',
la spirit' en dauxra vibro,
laborilo kontraux mort'.
Longaj vicoj sur la bretoj,
jen volumo post volum'
donas solvon de l’ sekretoj —
da satigxo ega sum'!

Libro, posedajxo kara,
la kompas' sur mar' de l’ viv',
vojo al estont' pli klara
per pasint' en perspektiv'.
For la tempoj de mizero!
for de mezepoka fum'!
en batalo por libero
helpas nin la libra lum'.

Regas nun la barbareco
en perforto kaj sovagx'.
En la nordo ni en deco
persistadas en kuragx'.
Per la libro kaj martelo
malgraux mort' kaj tirani',
laboristoj, en fidelo
al kulturo restu vi!


{{tag>kanto litero_k dana laborista}}