====== La lasta hor' de l' jaro ======

^Muziko|[[E. Windeballe]]|
^Esperanta teksto|[[F. Ph. Kiehl]]|
^Tipo|nova teksto|

===== Teksto =====

La lasta hor' de l’ jaro
eksonas kun gravec'.
Ni trinku do, frataro,
je gxia pasintec’!
Gxi estas forsveninta
al la jarar' pasinta.
Gxi gvidis tra dolor' kaj gxoj'
nin pluen sur fincela voj'.

L' eterna temp' turnigxas,
sxangxigxas, flugas for.
Gxi floras, maljunigxas,
eligxas el memor'.
Enskrib' kun pen' balbutas
sur tomboj, kiuj mutas.
Ricxec', belec', honor' kaj pov'
perdigxas en de l’ tempoj blov'.

El gaja amikaro
ne cxiuj vivas plu,
brilintaj antaux jaro
en nia rendevu'.
Jen aro ja foriris.
La morto gxin forsxiris.
La glasojn nun tintigu ni!
Al ili pacon donu Di'!

Post jaro kusxos eble
aliaj sub marmor'.
Obeas cxiu nepre
la mortan vokon:  „For!”
Dum cxiu temp' okazas,
ke arbojn sxtorm' frakasas.
La postvivantaj je la fin'
memoros kaj priploros nin.

Timegi ne bezonas
bonul' pro sia sort'.
Di' belajn songxojn donas
al li post lia mort',
kaj post de l’ vivo peno
li dormos sen cxagreno.
Lin vekos Di' al bela glor',
al nova viv' sen vivdolor'!

Ni sercxu lecionon,
fratar', en jena vort':
Bonulo trovos bonon
en vivo kaj en mort'!
Por iam nin revidi,
cxe l’ tron' de Dio sidi
amikoj, estu bonaj ni!
Novjaran benon donu Di'!


{{tag>kanto litero_l esperanto}}