====== La malespero ======

^Muziko|de Menil|
^Teksto|Rosa Meier|

El //La Pirato//, decembro 1933

===== Teksto =====
En la mondon venis nova krizo,
tra la mondo iras la bojkoto,
per flugiloj de la civilizo
nun ni cxiuj flugas al bankroto.
Jen Usono (ne plu soifanta)
gxi la mondan sxiras organismon,
al la mond’ eterne kreditanta
gxi promesas bankan kataklismon.

Sub la sanga signo de l' mizero
kolektigxas lacaj sav-talentoj
kaj rapide kreskas la ofero
per la bono de l’ eksperimentoj.
Forte staras muroj de l’ doganoj
inter la popoloj dividitaj,
sed ni cxiuj saltas sur vulkanoj
per la danta flamo ekscititaj.

Kun sxakala digno, kun lamento,
kunprenante cxiu sian bombon,
la popoloj faros sen konsento
unu grandan mondo-hekatombon.
Niaj eminentaj registaroj
en parolo vana ne lacigxos,
gxis kruela songxo de l' barbaroj
por eterna pen efektivigxos.

{{tag>kanto litero_m esperanto}}